方力申邓丽欣分手四年 没有新恋情真的吗

方力申和邓丽欣（Stephy）拍拖十年，由婚讯变分讯，Stephy现和台湾艺人王子邱胜翔发展姊弟恋。方力申在节目《Tiger's Talk》上直言分手后四年来一直单身，同场嘉宾陈滢立即爆料指小方媾过渠，曾约单独食饭，搞到小方劲尴尬。

由伍咏薇、阿Bob林盛斌主持的《Tiger's Talk》最新一集，邀请了声称单身的方力申、唐诗咏、陈滢任嘉宾，方力申同邓丽欣呢对镜头前后的真拖友，拍拖十年未能修成正果，最后分手收场，Stephy其后恋上台湾艺人王子，小方在节目中坦言分手后近四年来未有新恋情。

小方在节目指自己分手后一直未有新恋情，因为大家会以为同渠一齐便要埋单一定要结婚生仔，可能因此而令女仔退步。

小方话阿Bob曾为他介绍女仔，但一个系刚丧夫一个系刚离婚，阿Bob话小方想要后生女，小方坦言：因为都想生小朋友，我系大仔有压力呀﹗

小方又话过去拍拖，冇一个女仔同渠倾到结婚问题，被阿Bob追问：上一段嗰个都冇？小方立即口窒窒答：最后先做咪冇用啰﹗在旁的唐诗咏即笑渠自己设陷阱畀自己﹗

小方约女次数：一只手数到﹗

主持之一阿Bob话小方好少约异性单独约会，所以错失不少姻缘，小方解释：因为系我出道嗰个年代好多狗仔队，惯咗收埋自己，所以我人生同单身而又有机会发展慨女仔系好少，一只手数得晒。

小方话自己甚少约女单独出街，陈滢立即玩踢爆：渠（指小方）有约过我，有一日突然问我可唔可以同渠单独食饭，但后来冇发生到慨，事缘因为疫情我由温哥华返嚟，渠怕我闷就叫我打电话畀个星座专家，个星座师傅话我2023、24年会同个点样点样慨男仔结婚，个男仔系属猴慨，之后我打番畀小方，同渠讲个师傅同我讲咗啲乜，佢话个师傅又系咁同渠讲，渠又咁啱系属猴慨，所以怀疑渠畀钱个师傅。陈滢踢爆小方曾对她有意，更暗笑小方的屎桥媾女法未能成事﹗

陈滢突然自爆自己ready结婚，遇合适唔介意做主动，随后立向小方伸手，又除下自己戒指递给小方，示意对方为自己戴上，当众逼婚。

陈滢被伍姑娘大逼供系咪专钓金龟？陈滢直言过去拖友富贵同冇钱都有，又豪言：其实我自己搵到钱慨﹗小方又笑指陈滢一定飞人居多，陈滢一脸认真话：上一段感情我系被人飞慨﹗主持又问陈滢钟意咩类型男仔？陈滢即指住小方，大赞渠心地好：我成日都媾渠㗎，你哋唔信咩？我觉得渠真系好男仔，心地好，不过心地好之外谂唔到啲咩﹗

主持伍姑娘和阿Bob起哄叫小方为陈滢戴戒指，唐诗咏又叫小方大胆啲，不过小方都唔就范，笑住一手拍开陈滢只手度。

大家笑小方冇胆，陈滢又笑畀埋戒指小方，小方都识做，小方话：渠（指陈滢）有咩唔好呢，就系唔知几时讲真几时讲假﹗

陈滢爆曾被小方追求，小方一脸尴尬，而陈滢的情绪愈来愈高涨，表现劲high，又话自己过去因为唔知道咩类型男仔合适自己，所以前度非同一类别男仔，每次拍拖都系慢慢了解才知是否合拍，但现在心态却完全改变，因为现在已经ready结婚，所以如遇到心仪对象会主动出击，随即将自己手上的戒指除下递给小方，阿Bob和伍姑娘起哄：嚟啦，只手伸咗出嚟，戒指呀，戴上去啦﹗小方呆坐唔识畀反应，陈滢硬把戒指塞畀小方：戒指畀埋你，唔使买呀﹗小方拍落陈滢手度，并拎住戒指戴上自己尾指，唔中陈滢的圈套为她戴上戒指。

坐在小方同陈滢中间的唐诗咏联同阿Bob、伍姑娘玩嘢起身走人，笑言留给二人相处机会，小方尴尬地饮红酒遮丑，陈滢便愈来愈兴奋，不停拍打又捽方力申手臂，然后拎起红酒，主动翘实小方只手玩合巹交杯小方吓到呆咗，最后又玩埋抛花球，陈滢最为尽兴﹗

方力申同陈滢三年前曾传绯闻，被影到结伴到兰桂坊，有指是糖妹做媒人，有指当时陈滢刚与赌王仔猷亨分手，近月有传陈滢同赌王仔猷亨复合， 7月时一连两日现身赌王葬礼上，看来小方今次又系无米粥﹗方力申同Stephy分手后四年冇拖拍陈滢笃爆小方媾过渠。